Stampa
25
Gen
2009

POESIE IN DIALETTO GENOVESE : ACCONTO DI PAGAMENTO

Pin It
ANTICHE POESIE LIGURI IN DIALETTO GENOVESE
Acconto di pagamento






Unn-a votta , un Scignorin
un po' curto de dinà,
accattò do panno fin,
tempo un meize pe pagà.
Passò o meize e l'anno ancon,
nè o pensò a pagà o Pattè,
o quaè, stuffo, e con raxon,
o l'andò a trovalo lè,
e o ghe disse con gazzaea,
che l'ea tempo de pagao...
Lè rispose: N'ho monaea...
Lè se misse a matrattao;
e inscistendo... e dalli... e tocca....
O ghe desse due maschae
che gh'andò trei denti in bocca
e o scappò a gambe levae.
O Pattè, cado, boggìo,
pe giustizia o se n'andò,
e o sò debitò fallio
da-o sciò Giudice citò,
e o ghe disse: 'St' assascin
cento lie o m'ha da pagà,
g'ho venduo do panno fin,
manco un sodo o me veu dà!...
E pe cose fae o testardo?
(Disse o Giudice): Paghae...
No, o rispose, o l'è un boxardo,
g'ho za daeto due maschae.