14
Apr
2009
POESIE IN DIALETTO GENOVESE : AVVISO SALUTARE
ANTICHE POESIE LIGURI IN DIALETTO GENOVESEAvviso salutare
Chi aelo o Mego?... domandava
un figgieu a sò Madonnava,
che s'avvixinava a i cento
sens'aveine mai ciammou....
O l'è un Ommo (a ghe rispose),
vestio in neigro e imperuccou,
do sò stato assae contento,
e ne-o mondo fortunou
ciù che i atri... Ma pe cose?...
Perchè quand'o l'è ciammou
pe un infermo, o l'è pagou
pe contaghe in ta sò stansa
con magnifica impostua
de fandonie in abbondansa
finn-a che Maddre Natua
a no l'agge lè guario,
o i rimedii che o gh'ha daeto
no te l'aggian seppellio...
Questto dunque è o sò ritraeto?...
Oh che bella profescion!
A peu fà finn-a un mincion...
Mia, che parlo di cattini
che son morti, e non di vivi
che son boin... ma se ti hae mà,
nevo cao, no ne ciammà...
Piggia in cangio, unn-a purghetta,
beivi l'aegua de viovetta...
Dieta, dui fidè sottì,
in t'un brodettin savoio,
stà in lettin, mia de dormì,
chè in dui giorni ti è guario
sensa meghi, nè mexinn-e,
manco speiza de roscinn-e.
Coscì fè l'ommo avvisou
e cent'anni o l'è campou.
Aggiungi commento