03
Apr
2009
POESIE IN DIALETTO GENOVESE : O CABALISTA
ANTICHE POESIE LIGURI IN DIALETTO GENOVESEO Cabalista
Il Cabalista
Un braviscimo ebanista,
d'un inzegno straordinajo,
e famoso cabalista,
trasportou pe-o Semenajo,
che da-i seugni strambalae
de donnette o ghe scroviva
sempre i numeri ciantae,
(ma nisciun mai ne vegniva).
Sempre lì co-a lista in man,
ghe zugava ogni lezion
i sò guagni!... E sto mincion
se pasceiva d'aegua e pan,
e o l'andava ma vestio!...
Mentre un giorno impattarou
stava a vedde da un piggiou
l'estrazion che l'ea sciortio,
repassando co-i speggetti
un malocco de biggetti...
passa un fiacre velociscimo,
ghe va addosso rapidiscimo
e o ferisce mortalmente!...
Se fà un circolo de gente
concianzendo o meschinetto,
che ammuggiou lì comme o zetto,
da ogni parte o sccioiva sangue...
Ma o sbraggiava, tosto esangue
e zà lì co-i pè in ta fossa,
ascistio da un Miscionajo...
Piggiae o numeo da carossa,
che o zughiò in scio Semenajo!...
Aggiungi commento