Stampa
29
Apr
2009

POESIE IN DIALETTO GENOVESE : O DESGUSTO

Pin It
ANTICHE POESIE LIGURI IN DIALETTO GENOVESE
O desgusto
Il disgusto



A-a zoveniscima  -  sensibiliscima
Pimpetta amabile  -  maligna morte
ghe portò via  -  de rosalia
o dilettiscimo  -  e adoratiscimo
sò cao consorte  -  o sciò Clemente.
Creddeiva a gente,  -  e con raxon,
che a se cacciasse  -  zù do barcon.
O a s'ammassasse  -  da-o gran magon.
All'indoman  -  gh'andò un sò antigo
de casa amigo,  -  o sciò Gaitan,
pe consolala  -  e confortala...
Oh meschinetta  -  (forte o sbraggiava
mentre o piccava)  -  povea Pimpetta!...
Comme a troviò?...  -  Cose ghe diò?...
O l'intra, e resta  -  de marchexetta,
se batte a testa  -  in vedde quella,
non disgustà  -  ma allegra a-o spegio,
tutta occupà  -  pe fase bella
co-a roba megio  -  diamanti etcettera
Ghe dixe attonito:  -  Me son credduo
trovave squallida  - e cò desmuo,
addolorà  -  e desolà
da fà pietae!  -  ma ve veddo ilare...
E con quell'abito?...  -  A nosse andae?...
Resto stordio!  -  No me -o pensava...
Comme?... E percose?  -  (A ghe rispose
tiando un sospio  -  con sguardo tristo...
tutta modestia)  -  Ah!... bezeugnava
aveime visto,  -  sciò Gaitanin,
jeri mattin!...  -  Paeivo unn-a bestia!...