18
Feb
2009
POESIE IN DIALETTO GENOVESE: A CRAVA E O LO
ANTICHE POESIE LIGURI IN DIALETTO GENOVESEA Crava e o Lo
"La Capra e il Lupo"
Unn-a Crava, voendo annà
in t'en bosco a pascolà,
a lasciò in casa serrà
unn-a so figgia;
e a ghe disse in to sciortì:
a nisciun , avverti, arvì,
che porrieiva o Lo vegnì,
dunque o te piggia.
Da lì a un po che a se n'andò,
passò o Lo, a porta o piccò:
Chi gh'è? A disse.....Amixi! o criò,
con fa da bae.
Ma a Cravetta prevegnua,
d'arvì a porta a no se cua
a l'aggueita da fissua
per cuixitae.
A descreuve un Lo chi ammia,
a tremmava un po da puia
ma a ghe disse: "Lo, va via,
che ti è scoverto".
Alloa o Lo risposa: "Brava!
Questa chì no l'aspettava;
vaddo, ma t'aspeto, Crava,
in to deserto".
Eive chì cose veu dì
belle figgie, d'eseguì
cose dixe so Mammà:
chi obbedisce ma non fa,
se a Cravetta a-o Lo a l'arviva,
povea lè! O se a mangia viva!
Aggiungi commento