10
Apr
2009
POESIE IN DIALETTO GENOVESE : A-E GRONDANN-E
ANTICHE POESIE LIGURI IN DIALETTO GENOVESEA-e Grondann-e
Alle Grondaie
Di teiti umide figge e de terrasse,
che d'aegua, neive e giasso ve pascei,
andaeve un po' a fà leze quante sei
drento de qualche tromba chi v'ammasse!
Bavose ancon ciù pezo che e lumasse,
che a cieuve e a luxi o so sempre cianzei,
bagnando impunemente comme voei
pe despeto a chi passa e testa e brasse.
Stillicidio de Zena giastemmou,
barchì all'aia, cannoin, bronzin, fontann-e,
o l'è o diascoa, in veitae, chi v'ha inventou.
Scentae unn-a votta che sunnià e campann-e
dall'allegressa e saià fito cantou
un gran Teddeo pe-a Morte de Grondann-e.
Aggiungi commento